Comelec sa Mandaue nipahigayon og demonstration sa ACM

CEBU, Philippines — Gipahigayon na sa Commission on Election (Comelec) sa Siyudad sa Mandaue ang "Road Show" Automated Counting Machine (ACM) ngadto sa mga molupyo sa  kabarangayan  apil na niini ang mga Person Deprived of Liberty (PDL)  sa Mandaue City Jail sa paghatag og kahigayonan nga ilang makita personal ang  maong kahimanan nga  gamiton sa pag-ihap sa mga boto sa 2025 midterm election.

Gikataho nga ang Comelec nipahigayon usab kini og demonstration ngadto sa PDL's   sa gidala nila ang ACM sa pag-familiarized ug sa pagsiguro nga maihap ang giboto  sa gipiling  kandidato.

Nasayran nga ang male dormitory adunay 865 ka mga narehistrong botante nga napriso ug wala mo-qualify sa gilatid nga lagda sa Comelec.

Gipahibalo usab sa kadagkoan sa Mandaue City Jail nga mokunhod pa ang maong gidaghanon tungod ka adunay gikatakda nga mogawas na gikan sa bilanggoan Sa gipatuman nga lagda ang 865 nga gidaghanon sa PDLs sa Mandaue Cty Jail wala kini mo-qualify ang maong gidaghanon nga 1,000 ang narehistrong botante matag usa ka ACM.

Matud sa Comelec nga magdala lang sila og balota ang ilang personnel ngadto sa Mandaue City jail alang sa pagbotar sa PDL.

Ang polling precinct nga maoy gikuhaan sa maong balota adto usab dad-on og balik human sa pagboto alang  sa pagpasok ug sa pagpakaon sa ACM  sa pag-ihap na niini. BDB BANAT NEWS