Piyesta sa San Roque sa Talisay malamposon

CEBU, Philippines — Nagmalampuson ang kapistahan sa Barangay San Roque, Dakbayan sa Talisay kagahapong adlawa.

Miabot sa 40 ka mga sakyanan nga gihimo nga float ang misalmot sa parada.

Ang matag sakay niini pulos sakop sa matag banay nga taga San Roque.

Taas-taas tuod ang rota sa caravan pero nahuman ra gyud kini nga way kakulian.

Samtang karong adlawa sab ang kapistahan sa Barangay Tanke nga silingan nga barangay sa San Roque.

Sugdan sa alas 10 sa buntag karong adlawa ang street dancing nga manukad sa sitio Rattan ug mosulod sa dalan sa Tanke ug matapos sa sitio Magay duol sa barangay hall.

Gihangyo ang tanan nga saulogon ang kapistahan nga malinawon ug walay kasamok. (BANAT NEWS)