Oponganon nga board passers gihatagan og tag P5,000

CEBU, Philippines — Gihatagan og tag P5,000 nga cash incentive  sa kagamhanan  sa Siyudad sa Lapu-Lapu ang 67  ka board passers nga mga Oponganon.

Ang maong mga board passer nipasar kini sa Licensure Examination for Teacher (LET) ang gipasigarbo sa mga Oponganon

Si Mayor Junard "Ahong" Chan nagkanayon nga ang maong mga board passer nakahatag kini og insperasyon sa mga kabataan sa ilang pagtungha.

Matud ni Chan nga makiangayon lang nga hatagan sila  sa kagamhanan og P5,000 nga cash incentive tungod kay dili lang naghatag kini og garbo sa mga Oponganon nagdasig usab kini sa mga kabataan sa pagtinarong sa ilang pagtungha

Si Chan nagkanayon nga isip tinun-an kinahanglan nga seryosohon ang pagtuon  sa ingon sa pag-apil sa mga eksaminasyon makasiguro ang pagpasr ug mahingpit na kini nga professional.

Nasayran nga ang paghatag og pag-ila sa ipakitang katakos sa mga Oponganon sa mga pasulit  ang naandang himuon sa kagamhanan sa siyudad isip pagpasidungog sa naangkon nga kalamposan.  BDB BANAT NEWS