CEBU, Philippines — Usa patay sa nahitabong disgrasya sa usa ka motorsiklo sa National Highway, Barangay Langub, Lungsod sa Asturias kagahapon sa kadlawon, Huwebes, Enero 23, 2025.
Nakalas ang driver sa motorsiklo nga si Rolly Sangutan, taga Barangay Magcalape, Lungsod sa Asturias samtang angol ang mga backride niining sila si Mark Niño Layasan, 25, ug si Richard Torreon, nga gidala sa Balamban District Hospital. Sa imbestigasyon sa Asturias Police Station ang mga biktima sakay sa motorsiklo nga Suzuki Smash ang tulo ug gikatahong pulos nakainom mibiyahe gikan sa amihanan.
Apan sa pag-abot sa naasoy nga dapit nawagtangan og kontrol sa motorsiklo ang drayber ug nibangga sa kongkretong poste ug sa kongkretong paril.
Nalamba ang tulo hinungdan sa hinanaling kamatayon sa driver ug pagkaangol sa mga backride niini. (BANAT NEWS)