Team Mandaue nag prayer rally agi’g pasalamat

CEBU, Philippines — Usa ka prayer  rally ang gihimo sa mga dumadapig  sa Team  Mandaue  nunot sa pagluwat na og Temporary Restraining Order (TRO)  Order sa Korte Suprema nga nagpakgang sa Commission on Election (Comelec) sa pagkanselar sa  Certificate of Candidacy (COC) ni dismissed mayor Jonas Cortes ug nagtugot na niini nga maapil  ang iyang pangalan sa listahan sa mga kandidato  sa lokal ug national election karong Mayo 2025

Nadawat ni  kanhi  Mandaue City Mayor Jonas Cortes ang kopya sa maong TRO nga personal gayod nga gihatod  ngadto kaniya sa court  sheriff  niadtong Martes Enero  21. 2025. Gihangop sa kaaladyo ni Cortes nga si Mayor Glenn Bercede ang maong kalamboan ug mipadayag nga nakapadasig kini nila sa pagpadayon sa ilang nasugdang serbisyo nga mga Mandauehanon.

Giangkon ni Bercede nga ang nahitabo kang Cortes nakapabalaka sa Team Mandaue ug  ilang mga supporters mao nga ilaha na kining tanan gihangad sa Kahitas-an, ug karon gidungog ang ilang pangamuyo.

Si Atty. Regal Oliva sa iyang pamahayag miingon nga sa nangaging mga prayer rallies nga ilang  gipasiugdahan maoy ilang giampo nga mahatagan og TRO ug tugotan si Cortes nga mokadagan pa-usab sa pagkamayor sa 2025 elections.  IBM BANAT NEWS