CEBU, Philippines — Giandam na karon sa Archdiocese of Cebu ang Pilgrim passport alang sa mga magtutuo nga maoy ilang gamiton sa ila na unyang pagbisita sa mga Pilgrim church sa Archdiocese of Cebu.
Matud pa ni Fr. Junel Fuentes ang pangulo sa CADCOM sa Archdiocese of Cebu karon semanaha mopagawas unya sila sa detalye may kalabutan niini nga dalhon sa mga magtutuo sa ilang pagbisita sa matag parokya nga gideklarar isip pilgrimage church subay sa Jubilee Year 2025.
Sumala pa ni Fuentes, human unya nila sa pag-apod-apod sa maong passport pilgrimage mopagawas usab unya sila kung asa kini mapalit, pila kini ug lakip usab sa mga mechanics niini.
Daghan sa mga magtutuo ang naghinam-hinam niini tungod kay susama usab sila og nibisita sa mga simbahan nga naa sa gawas sa nasud.
Adunay dili mominos 30 kapin ka mga parokya sa Archdiocese ang gidesignar isip pilgrim church subay sa Jubilee year 2025. IBM BANAT NEWS