Palma: Santo Niño tuburan sa kalipay ug paglaum

CEBU, Philippines — Gihimug-atan ni Cebu Archbishop Jose Palma sa iyang homily sa Misa Pontipika nga ang Senyor Santo Niño maoy tuburan sa kalipay ug paglaum sa mga pagsulay

Ang Misa Pontipika sa kapistahan ni Senyor Santo Niño bisan nagsugod kini sa alas 6:00 sa buntag apan nagpunsisok gihapon ang liboan ka tawo sa pagtambong niini gikan sa nagkalain-laing dapit.

Sa maong misa gipadayag ni Palma sa iyang homily ang kamahinungdanon sa bunga sa pagtuo ngadto sa Ginoo

Matud ni Palma nga angay nga pamalandongan nga bisan sa mga nasinati nga mga pagsulay sama sa bagyo, baha, ug bisan kadtong Covid-19 ang mga Sugboanon wala   kawad-i og paglaom. Nagpabilin ang pagsalig kang Senyor Sanbto Nino ug ang tanan nilabay kini ug bisan sa pagkahagba apan hinay-hinay gihapon sa pagbangon.

Gilakbitan usab ni Palma ang estorya nga nahitabo ni Hesukristo dihang nagpanuigon pa kini og 12-anyos diin gipakita niini ang gugma sa mga ginikanan ngadto sa ilang mga anak nga maoy hinungdan nga mobati sila og kabalaka kon adunay mahitabo sa ilang mga anak.

Kini usab ang mahitabo sa mga ginikanan nga modayag mga pagsupak sa higayon nga ang ilang anak mosulod sa pagkapari apan sa kaulahihan tungod sa pagsanong sa tawag sa bokasyon nga mao ang pagkapari maila gihapon ang kalipay. — /BDB (BANAT NEWS)