CEBU, Philippines — Pipila ka mga inilang tawo gikan sa kaulohan ang nitambong ug misaksi sa Sinulog Grand Ritual Showdown 2025 diha sa Cebu City Sports Center kagahapon.
Nitambong sila si Senador Risa Hontiveros, Atty. Chel Diokno, kanhi senador Bam Aquino, kanhi senador Kiko Pangilinan, Congresswoman Milka Romero, ug kanhi DILG secretary Benhur Abalos.
Sa pagpakighinabi sa Banat News ngadto kang Abalos gipadayag niya nga bisan pa man nga gisaulog ang Sinulog sa tibuok kalibutan apan lahi ra gyud ang pagsaulog sa Sinulog dinhi sa Sugbo.
Matud ni Abalos nga lahi ra ang pagtahud ug pagsimba sa mga deboto ngadto kang Senyor Santo Niño.
“This one in Cebu is really the grandest of all. The faith and the culture of the Cebuanos are really different kasi ganito kalaki ang pagse-celebrate. This is really all about Santo Niño”, matud ni Abalos.
Alang kang Abalos nabati niya ang paghigugma dili lang gikan sa mga Sugbuanon apan ang pagmahal gikan sa Diyos.
Sayo pa, gipahibalo ni Cebu City Raymond Alvin Garcia nga dili makahigayon og paghatag sa ilang mga pulong ang mga bisita aron malikayan ang pamolitika. — /BDB (BANAT NEWS)