Kapitolyo nipirma og kasabutan pagpaayo sa simbahan sa sibonga

CEBU, Philippines —  Ang Probinsya sa Sugbo ug Tourism Infrastructure and Enterprise Zone Authority (TIEZA) mipirma og kasabotan alang sa pag-ayo sa naguba nga Nuestra Señora del Pilar Parish Church ug kombento niini sa lungsod sa Sibonga, habagatan sa Sugbo.

Si Gobernador Gwendolyn Garcia ug TIEZA General Manager ug Chief Operating Officer Mark Lapid maoy mipirma sa memorandum of agreement (MOA) atol sa usa ka seremonya sa Kapitolyo niadtong Enero 17.

Ang Kapitolyo maoy moduma sa implementasyon sa maong restoration project subay sa gilatid sa balaod ug regulasyon. Samtang ang TIEZA maoy mogahin og pundo sa pagtrabaho nga moabot sa P110 milyones.

Nasayran ang maong simbahan lakip na ang kombento niini, gideklarar nga Level II Historical Site sa National Historical Commission of the Philippines (NHCP).

Ang maong simbahan nakaangkon og dakong kadaot human sa bagyong Odette hinungdan nga gitinguha kini sa Kapitolyo nga mapaayo.

Si Lapid nagkanayon nga "delicate" ang maong proyekto tungod sa ka mahinungdanon sa estruktura.

“This is a very delicate project. It’s a jewel. Hindi po ito basta kalsada lang na pwede nating gawin. Hindi siya fencing na pwede nating gawin kung ano-ano lang. Every single part of this project is very meticulous, very important because it is a significant project for the heritage and culture of Cebu,” matud ni Lapid.

Ang maong pinirmahanay sa MOA, gisaksihan nila ni Sibonga Mayor Mariano Laude, first district Board Member Raul Bacaltos, Archdiocesan Chancellor Msgr. Renato C. Beltran Jr., ug Fr. Brian Brigoli, chairman sa Cebu Archdiocesan Commission for the Cultural Heritage of the Church. (BANAT NEWS)