CEBU, Philippines — Wala pay gibutyag nga plano sa pagtambong si dismissed mayor Michael Rama karong Domingo atol sa Grand Sinulog Celebration bisan pa nga siya gihapon ang chairman sa Sinulog Foundation Incorporated (SFI). Sayo pa, si Rama nangangkon nga nitambong siya sa opening salvo for cultural events niadtong Biyernes.
Matud ni Rama kagahgapon nga mas palabihon niya nga dili na una idetalye ang bisan unsang plano alang sa umaabot nga grand celebration sa Cebu City Sports Center (CCSC) karong Domingo.
Gibutyag ni Rama nga nagtutok siya karon sa religious activities alang sa Fiesta Señor.
Samtang si Rama wala kini mohatag og pinal nga tubag kabahin sa iyang mga functions isip SFI chairman ug nidugang nga mas gusto niya nga hisgotan kini human sa Sinulog.
Gikataho nga wala makita si Rama atol sa opening salvo for cultural activities niadtong Enero 10, 2025. Sa pakighinabi kang Cebu City Mayor Raymond Alvin Garcia sa samang adlaw gibutyag niini nga si Rama wala padalhi og opisyal nga imbitasyon gumikan kay katungod sa usa ka miyembro sa SFI nga automatic nga imbitado.
Bisan pa sa pagtambong sa opening salvo, si Rama nagkanayon nga nipili siya nga wala mo apil sa Sinulog opening parade. BDB BANAT NEWS