Atty. Oliva modonar sa iyang 13th month pay sa mga kawani sa brgy Umapad

CEBU, Philippines — Gihangop sa mga kawani sa Barangay Umapad sa Siyudad sa Mandaue ang gipahibalo ni Atty. Regal Oliva nga iyang idonar ngadto kanila ang iyang madawat nga katapusang 13th month pay.

Hinuon ang maong mga kawani sa Barangay Umapad nakadawat na sa ilang honorarium sa bulan sa Oktubre hangtod sa Disyembre 2024.

Si Oliva nipahibawo sa iyang tinguha pagdonar sa iyang 13th month pay atol sa iyang pagbisita sa barangay Umapad.

Iyang gikompirmar nga ang kinatibuk-ang kantidad nga moabot sa P125 thousand, ang iyang I donate sa mga barangay workers nga wa makadawat sa ilang sweldo sukad sa Enero hangtud sa Agosto sa miaging tuiga.

Subay niini si Umapad Barangay Captain Reb Cortes mipadangat sa iyang pasalamat ngadto kang Oliva gumikan sa suporta niini ug paghatag og importansya sa mga barangay workers. Samtang Si Konsehal Libertine Lumapas dihang nahinabi sa mga tigbalita mipasabot nga usa sa mga hinungdan nga wala mahatag ang honorarium sa mga kawani sa Barangay Umapad tungod kay ang gi-hire nga mga kawani wala pormal nga napresentar ngadto sa konseho sa dakbayan.

Gipasabot ni Lumapas nga ilang gisubay ang lagda sa Commission on Audit sa pagsiguro nga dili usab sila magsagubang og reklamo.

Nonot niini gitambagan usab sila sa COA nga mangayo og giya sa Department of Interior and Local Government (DILG) nga mao usab ang ilang gihimo. Sa kasamtangan ang mga kawani nagpaabot pa sa dugang nilang honorarium nga madawat sugod sa Enero 2024 hangtod sa Septiyembre 2024.

Lakip sa naapektohan nga mga kawani sa Barangay Umapad mao ang mga Barangay Tanod,Clean and Green personnel, lupon members, drivers, ug uban pa. (BANAT NEWS)