State of calamity sa Negros Oriental aprubado kang Gob. Sagabarria

CEBU, Philippines — Gideklarar sa Sangguniang Panlalawigan sa Negros Oriental nga gipaubos sa state of calamity ang tibuok probinsya sugod niadtong Biyernes, Enero 10, 2025, isip tubag sa nagpadayong aktibidad sa Mt. Kanlaon.

Ang deklarasyon giaprobahan sa Sangguniang Panlalawigan, o provincial board, atol sa special session niadtong Disyembre 27, subay sa rekomendasyon sa Provincial Disaster Risk Reduction and Management Council.

Niadtong Enero 8, gipirmahan ni Gobernador Manuel “Chaco” Sagarbarria ang Resolution No. 1329, nga nagpasabot nga opisyal kini nga gi-aprubahan ug tungod niini magamit na sa lalawigan ang ilang pundo alang sa dinalian nga panginahanglan sa disaster preparedness ug community support taliwala sa nagpadayon nga kalihokan sa bulkan.

Isip usa ka aktibo nga tubag sa bag-uhay lang nga pagbuto sa bulkang Kanlaon, ang Office of Civil Defense Central Visayas misuporta sa pagdeklara sa usa ka State of Calamity sa probinsya.

“This crucial decision, made by the Sangguniang Panlalawigan, not only aids the evacuees within Canlaon City but also empowers neighboring local government units (LGUs) to prepare for a potential influx of displaced residents,” matud sa OCD.

Sa laing bahin, si OCD Administrator Undersecretary Ariel Nepomuceno nag-awhag sa mga residente, ilabi na sa La Castellana, Negros Occidental, ug Canlaon City nga mag-andam sa worst-case scenario.

Sa gipagawas nga advisory sa Philippine Institute of Volcanology and Seismology (PHIVOLCS) makita ang "heightened ground deformation" sa bulkan ug base sa datos sa Kanlaon Volcano Network (KVN), sukad sa gabii sa Enero 10, dunay inflation sa tunga ngadto sa ibabaw nga bahin sa sidlakang edipisyo sa  bulkan.

Ang Upper Pantao Observation Station naka-record og kalit nga pagtaas o pagkausab sa pagkabahirig sa yuta sa alas 7:20 sa gabii, nga nagpasabot sa pagtaas sa pressure sulod sa bulkan.

Samtan ang Electronic Distance Meter (EDM) measurements nagpakita nga ang habagatang-sidlakan nga bahin sa bulkan nagkalapad sukad sa katapusan sa Disyembre, samtang ang kasadpang bahin nagkagamay sukad sa sinugdanan sa Enero, nga susama sa mga pattern sa wala pa ang pagbuto niadtong Disyembre 9.

“No responders will attempt to get inside the danger zones to execute rescue operations should an eruption occur. It is crucial for everyone’s safety to evacuate now," dugang niini. (BANAT NEWS)