CEBU, Philippines — Gipahibawo ni Talisay City mayor Gerald Anthony “Samsam” Gullas nga misaka ang coverage alang sa pagpahimulos sa dialysis sa Dakbayan Talisay.
Matud pa ni Gullas nga sugod karong tuiga ang dialysis coverage mosaka sa P6,350 matag sesyon gikan sa P4,00.
Gihimo ang gipalambo nga hemodialysis benefits package pinaagi sa Talisay Dialysis Center inubanan sa PhilHealth alang sa mga Talisaynong pasyente.
Gumikan niini ang mga Talisaynon nga adunay deperensiya sa ilang kidney nga nagkinahanglan og dialysis dili na makagasto sa ilang kaugalingon nga kwarta.
Sigon pa ni Gullas nga mao ni ang ilang misyon nga mohatag og sayon, barato ug maayo nga serbisyo sa panglawas.
“Rest assured, we are committed to serving you better! Para gyud ni sa inyong kaayuhan Talisaynon.” segun pa ni Gullas. Dugang pa ni Gullas nga padayon ang iyang aksyon agad nga administrasyon sa pagpalambo sa serbisyo sa Talisaynon. (BANAT NEWS)