CEBU, Philippines — Niabot ngadto sa 48 ka sakayan nga pangdagat ang nakaparehistro na aron moapil sa umaabot nga fluvial procession karong Enero 18, 2025.
Kini ang gibutyag ni Ensign Abel Lomboy, tigpamaba sa Philippine Coast Guard Central Visayas. Matud ni Lomboy, kagahapon ra unta Enero 6, 2025 kutob ang pagpanawat sa mga magparehistro sa gustong moapil sa fluvial apan ilaha kining gilugwayan hangtud sa Enero 10, 2025.
Ang gusting magparehistro moadto lang kini sa buhatan sa PCG diha sa Pier 3, Dakbayan sa Sugbo.
Giawhag ni Lomboy ang gustong mosalmot sa fluvial procession nga moparehistro sa ilang mga banca o kasakyan tungod kay walay tugotan nga makalawig o makaapil nga wala magparehistro. Hugot nga seguridad ang ipatuman sa PCG-7 sa fluvial procession diha sa kadagatan. (BANAT NEWS)