Ang pagbalik sa Sinulog diha sa Abellana ang hinungdan— Garcia
CEBU, Philippines — Gibutyag ni Cebu City Mayor Raymond Garcia nga wala siya nagpatabang kang Goberndor Gwendolyn Garcia o ni bisan kinsa aron lang mopadala og mga contingents aron paapilon sa Sinulog Grand Parade karong tuiga.
Matud pa niya, ang venue mismo nga mao ang Cebu City Sports Center maoy batubalani nga nakapa-engganyo sa mga gustong mohalad og sayaw sa Balaang Bata pinaagi sa pag-apil sa parada ug sa kompetisyon.
Kini nga pamahayag sa mayor iyang gibase sa 42 ka contingents apil na ang mga out-of-town contingents nga nagpalista nga moapil. Nidoble kini kun itandi sa miaging tuig nga Sinulog nga didto gihimo sa South Road Properties.
“Even without me marketing..Wa pa gani ko ni market,” pangangkon pang Garcia.
Matud niya, igo ra siyang niimbitar sa gobernador nga suportahan ang maong selebrasyon.
“Wa ko nanawag og mga mayor ug ubang mga lugar nga pangapil mo nga pangapil mo…I never even lifted a fingers to call somebody, not even the Governor,” matud pa niya.
“Wako mutawg nga Gov padalhi mig contingent diri…Wa ..I never said a single word..All I told her was support the Sinulog..I never told her nga pagda’g kinse ka buok contingents para nindot, alegre,” dugang pa sa mayor.
“Ingon ani ka grabe ka excited ang mga tawo sa Sinulog 2025 …And what is the reason?... The reason I always say is atong gibalik sa sentro sa syudad sa Sugbo which is Abellana (Cebu City Sports Center),” matud pa niya.
Sa nakalabay nga duha sa Sinulog Grand Parade nga diha gihimo sa South Road Properties ubos sa mando ni kaniadto mayor Michael Rama. Ang tumong ni Rama para sa seguridad ug kaluwasan sa mga mosalmot ug sa mga manan-aw uban sab sa pagpaila sa maong lugar.
Tungod niini, gipasidan-an ni Garcia ang mga nagkadaiyang departamento ug mga gipangtahasan sa mga kalihokan nga mangandam daan nga mosugwak gyud ang gidaghanon sa mga motan-aw.
“We need everybody’s cooperation especially our enforcement agencies and departments when it comes to peace and order,” he stressed. (CEBU NEWS)
- Latest
