Imahe sa Senyor gipaduaw sa mga prisohan ug tambalanan

CEBU, Philippines — Imahe sa Senyor Sto. Niño de Cebu gipaduaw sa mga prisuohan ug sa usa ka tambalanan hospital aron paghatag og paglaum niadtong mga nagdebosyon apan tungod sa mga kakulian dili makahimo niini.

Ang pagsuroy kabahin kini sa pre-fiesta activities nga gipasiugdahan sa Simbahan sugod niadtong Enero 3, 2025 ngadto na sa Enero 7, 2025.

Ang imahe dad-on karong adlawa Enero 5, 2025 sa Cebu City Jail-Male Dormitory sa alas nuybe kwarentay singko sa buntag.

Ang katapusan nga bisitahon mao ang simbahan sa Our Mother of Perpetual Help Parish Redemptorist una pa kini kini ibalik sa Basilica Minore del Sto. Niño. Human niini, pangandaman dayun ang misa novena nga sugdan sa Enero 9, 2025 pinaagi sa Penitential Walk with Jesus. (CEBU NEWS)