Usa ka pusher sikop sa buy-bust operation sa Mandaue
CEBU, Philippines — Mokabat sa P68,000.00 nga shabu ang nasakmit sa mga sakop sa City Intelligence Unit (CIU) sa Mandaue City Police Office (MCPO) gikan sa pusher nga taga Barangay Mambaling sa siyudad sa Sugbo.
Ang pusher nadakpan sa buy bust operation nga gipahigayon sa north reclamation area sa Barangay Centro siyudad sa Mandaue alas 8 pasado ang takna sa miaging gabii.
Si Police Major Lean Rey Endozo sa CIU sa MCPO maoy nangulo sa buy bust operation nga miresulta sa pagkasikop sa 42 anyos nga pusher nga nakuhaan og 10 gramos nga shabu.
Ang suspetsado nga pangalan gipugngan miangkon nga unang higayon pa lamang niya nga gisugo sa pagdala sa shabu ngadto sa kustomer niini nga molopyo sa siyudad sa Mandaue.
Dugang aligasyon sa maong dinakpan nga ang tag-iya sa gidala niya nga shabu tawagan lang sa higayon nga hingpit na niya nga madispatsar ang shabu ngadto sa nagpaabot nga customer.
Ang mga sakop sa CIU misulay unta sa pagtawag sa giingong tag-iya sa shabu nga gidala sa suspek apan dili na makontak ang number niini. (BANAT NEWS)
- Latest
