Pipila ka dalan isirado alang sa fruit festival sa Carbon Market

CEBU, Philippines — Temporaryo nga sirad-an ang pipila ka mga dalan sa Manalili sa Carbon Market sa Dakbayan sa Sugbo alang sa annual fruit festival nga ipahigayon karong adlawa, Disyembre 28 hangtud sa 31, 2024.

Ang mga dalan nga sirad-an mao ang eskina sa Magallanes Street hangtud sa J. Leyson Street aron maakumodar ang kalihokan ug aron nga masiguro ang kaluwasan sa mga mosalmot sa maong festival.

Sa maong kalihokan apektado ang dagan sa trapiko sa Lincoln Street ug J. Leyson Street.

Gipahimangnoan ang tanang motorista nga dili una maagian ang maong mga dalan ug adunay signage usab nga ipangbutang ug mga traffic personnel nga ipakatap.

 Gipanghimangnoan usab ang mga motorista nga moagi sa mga alternatibong rota aron malikayan ang pagkalangan.

Ang maong kalihokan gipasiugdahan sa office of the city markets. BDB BANAT NEWS