CEBU, Philippines — Ang Cebu City Treasurer’s Office nihatag og notisya sa mga real property taxpayers kun diin adunay 10% nga diskwento alang sa mga sayo nga mobayad sa quarterly tax alang sa tuig 2025.
Makatagamtam lang ang mga taxpayers sa maong benepisyo kung walay tax delinquency o deficiency.
Ang deadline sa quarterly tax mahitabo karong Marso 31 (First Quarter), Hunyo 30 (Second Quarter), Setiyembre 30 (Third Quarter), ug Disyembre 31, 2025 (Fourth Quarter).
Aron sa mas paspas nga transaksyon, mamahimo nga mobayad pinaagi sa online, www.rpts.cebucity.gov.ph.
Mas maayo nga likayan ang pagbayad sa lapas sa petsa nga gikatakda aron nga malikayan ang penalty.
Sa laing bahin, pabilin nga abli ang City Treasurer’s Office karong Disyembre 28, 30, ug 31, 2024 aron nga mokolekta ug modawat sa mga ibayad nga buhis.
Dugang pa nga magsugod na sab karong Enero 6 hangtud sa 20, 2025 ang renewal sa business permit ug business taxes fee ug charges nga didto ipahigayon sa SM Seaside ug Robinson’s Galleria. (BANAT NEWS)