DOH nagpatuman na og code white
CEBU, Philippines — Ang Department of Health nagpatuman na og code white sa mga health facilities isip pagpangandam sa pasko ug bag-ong tuig.
Ang maong ahensiya nipahinumdum sa tanan nga hinay-hinay lang sa pagkaon sa mga tam-is ug tambok nga mga pagkaon ilabi na nga daghan og mga Christmas party karong panahona ug unlimited ang mga pagkaon sama sa letson, humba ug uban pa nga maoy hinungdan sa mga sakit ug kong dili mapugngan posibleng moresulta sa kamatayon.
Matud pa ni DOH-7 Director Jaime Bernadas nga gipatuman na nila ang code white sa tanan mga health care facilities.
Gipangandaman usab sa DOH ang posibleng pagdagsa sa pasyente nga mabuthan sa mga fire cracker.
Tumong sa DOH ang zero firecracker related incidents lakip na ang stray bullet case sa rehiyon.
Samtang gikatakdang moluwat og executive order si Cebu City Mayor Raymond Alvin Garcia sa mga barangay nga magbutang og firecracker zone diin adto ra sa maong lugar mahimong makapabuto sa mga pabuto sa pasko ug bag-ong tuig.
- Latest
