CEBU, Philippines — Nagpadayon na karon ang gihimo nga mga pagpangandam sa contingent sa Siyudad sa Mandaue alang sa ilang pagsalmot sa Sinulog Grand Showdown 2025 sa Siyudad sa Sugbo.
Si Kristian Marc Cabahug, executive director sa Mandaue Investment Promotions and Tourism Action Center nagkanayon nga ilang hugtan og maayo ang ilang pagpngandam pinaagi sa mga pagbansay-bansay nga ilang gihimo tungod kay tinguha nila nga modaog sa maong indigay karong tuiga
Gipasaabot ni Cabahug nga na-busy sila sa mga nangaging semana tungod kay ang MIPTAC ug Mandaue Dance Troupe aktibo usab nga nalambigit sa cultural dance concert nga gipahigayon diha sa Heritage Plaza.
Human sa maong kalihokan mopahigayon usab dayon sila sa matag adlaw nga rehearsal alang sa ilang pagsalmot sa Sinulog Grand Showdown 2025 sa Siyudad sa Sugbo.
Matud ni Cabahug miingon nga ang kagamhanan sa siyudad ang naggahin og P7 milyones nga kantidad nga maoy gigamit sa matag adlaw nilang practice, pagpalit sa ilang costumes, props ug uban pa nga mga kinahanglanon alang sa maong indigay nga ilang apilan. (BANAT NEWS)