CEBU, Philippines — Libreng sakay ang gidalit sa Mango Jeep alang ngadto sa mga pasahero nga mokaon og inasal sa Dakbayan sa Talisay.
Ang City of Talisay-Traffic Operation Development Authority (CT-TODA) nianunsiyo niini aron mapahibawo ang mga pasahero gikan sa IT Park sa Siyudad sa Sugbo.
Apan ang promo epektibo lang kini sa adlaw nga Sabado ug Domingo.
Nagsugod na kini niadtong Disyembre 14 niining tuiga ug mahuman sa Enero 19, 2025.
Ang himuon sa pasahero mao ang pagsakay gikan sa IT Park padulong sa Litson Park sa Barangay Poblacion, Dakbayan sa Talisay.
Inig kaon nila sa inasal mag-picture aron maoy ipakita nga sila mahimong makabalik sa ilang destinasyon nga libre.
Magsugod sa pagpasakay nga libre ang Mango Jeep sa alas 9:00 sa buntag hangtud sa alas 9:00 sa gabii. (BANAT NEWS)