Way krimen sa nakalabay nga duha ka Misa de Gallo

CEBU, Philippines — Zero crime incidents ang unang ug ikaduhang adlaw sa misa de gallo sa Central Visayas kini sigon pa sa Police Regional Office(PRO)-7.

Nagkanayon si Police Lieutenant Colonel Janette Rafter, tigpamaba sa PRO-7 nga gidayeg ni PRO-7 Officer-In-Charge Police Brigadier Roy Parena ang tanang police units tungod kay wala'y natala nga mga panghitabo may labot sa Misa de Gallo.

Giawhag ni Brigadier General Parena ang kapulisan nga dili lang sa mga simbahan maoy bantayan apan apil na sa mga terminal tungod kay daghan ang mobiyahe aron motambong sa misa de gallo.

Nasayran nga naay giandam ang PRO-7 nga operational plan alang sa Misa de Gallo nga gipirmahan sa ilang labaw ug gipadala sa nagkalain-laing lower units aron masiguro ang seguridad sa mga simbahan ug terminal.

"To coordinate also with the different LGUs and the different  Barangays for their assistance  og nakita nato nga daghan jud pud kaayo nitabang sa atong kapulisan sa pag secure the safety ug seguridad atong mga kaigsuonan nga nitambong sa First and second day sa misa de gallo and we are expecting  this all throughout until we finish the 9 dawn masses," sigon ni Rafter.

Nagpasalamat sab ang PRO-7 sa mitabang sa kapulisan aron mahimong hapsay ug luwas ang pagtambong sa mga tawo sa mga simbahan. (BANAT NEWS)