CCPO mipasidaan batok sa mga gidili nga pabuto

CEBU, Philippines — Sa pagsaulog sa Pasko ug Bag-ong Tuig dili gyud mawala ang pabuto sanglit kabahin na kini sa tradisyon sa mga Pinoy kay ang uban nagtuo nga ang pagsaba-saba gamit ang pabuto pampaswerte.

Apan angayang hinumduman sa katawhan nga dunay mga firecrackers ug pyrotechnic devices ang gidili tungod kay delikado.

Kini sama sa Giant Whistle Bomb, Super Lolo, Atomic Bomb, Goodbye Bading, Large Size Judah's Belt ug Lolo Thunder.

Laing firecrackers ug pyrotechnic devices nga gidili mao ang Atomic Triangle, Goodbye Delima, Mother Rockets, Goodbye Napoles, Goodbye Philippines, Coke-in can.  Gidili sab ang Watusi kay kini makahilo, Piccolo, Poppop, Five Star, Pla-pla ug Bawang.

Si Police Lieutenant Colonel Janette Rafter, tigpamaba sa Police Regional Office-7 miingon higpit ang ilang pagmonitor sa mga ipangbaligya nga mga firecrackers ug pyrotechnics.

Gidili ang sobra ra kaayo kadagko nga mga pabuto nga naghatag og peligro sa kinabuhi sa mga tawo.

Aron masiguro ang PNP makig-alayon sa ilang counterparts sama sa Bureau of Fire of Protection alang sa kompletong listahan ug pag-ila sa mga gidili nga pabuto.

Manduan sab sa PRO-7 ang mga hepe sa kapulisan nga makig-alayon sa nga Local Government Units alang sa pagbutang og firecracker zone. (BANAT NEWS)