Rep. Gullas gihimoan og fake account sa FB
CEBU, Philippines — Mikatap karon ang peke nga Facebook account ni kongresista Rhea Gullas nga nag ingon nga manghatag kini og load. Si kongresista Gullas pinaagi sa iyang tinuod nga FB account nipasabot nga adunay daghan nga nagpadala niya og mensahe labot sa modus sa nagpaluyo sa peke nga account.
Siya nagkanayon duha lang ang iyang account sa FB ang usa sa iyang personal ug ang usa sa iyang page.
Kasagaran nga gipangchat sa mangingilad ang taga Dakbayan sa Talisay. Nihangyo ang kongresista sa tanan nga dili magpalingla niining mangingilad nga naa sa social media.
Sigon pa ni Gullas nga ilang gitigom ang mga ebedensya aron ilang ihatag sa otoridad sa paningkamot nga manubag ang tawo nga nagpaluyo sa pangilad.
Si Gullas maoy ikaupat nga opisyal sa Talisay nga gihimoan og peke nga account sa Facebook. (BANAT NEWS)
- Latest
