Nakolektang basura menos na sa kataposang clean-up drive

CEBU, Philippines — Ang kataposang city-wide clean-up drive sa Dakbayan sa Sugbo natapos sa pinakagamay nga koleksiyon sa basura sa upat ka edisyon karong tuiga.

Ang ika-18th edition niabot sa 53 metric tons nga sagol-sagol nga basura ang nakolekta matud ni Bise Mayor Donaldo Hontiveros

Base sa talaan sa weight checkers sa Binaliw nitala og 11.15 ka tonelada gikan sa habagatan ug 17 ka tonelada gikan sa amihanan.

Gawas niini, adunay mga basura usab ang nakolekta ug pribado nga gidala ngadto sa Binaliw nga niabaot sa 24.58 ka tonelada.

Ug ang ulahing koleksiyon maoy labing gamay nga total nga koleksiyon sa tanang upat ka city-wide clean-up drives.

Sa buwan sa Marso niining tuiga, ang mga niapil sa samang kalihokan naka-hauled kini og 87 ka tonelada gisundan sa 80 ka tonelada sa buwan sa Hunyo ug 85.60 sa Septiyembre.

Ang total nga collection sa buwan sa Disyembre ang ubos usab sa samang period sa niaging tuig 61.40 ka tonelada.

Ang Cebu City Environment and Natural Resources Office wala pa maka-report kon unsa ang hinungdan sa pagkunhod sa koleksiyon sa basura karong panahona apan pipila ka mga barangay nagsugod na sa pagtuman sa segregation, pag-recycle ingon sa trash for cash.

Sa niaging buwan, ang kagamhanan sa siyudadn nihangan sa walo ka barangay nga magsilbing pilot areas alang sa reimplementation sa “No Segregation, No Collection” policy nga gilangkuban sa  Tinago, Tejero, San Roque, Carreta, Barrio Luz, Mabolo, Basak San Nicolas ug Basak Pardo.

Matud ni Ma. Emma Ramas, overseer sa Solid Waste Management Board (SWMB) nga i-monitor sa siyudad ang kalamboan sa walo ka barangay hangtud sa Enero 1, 2025 kong hingpit kining nipatuman sa “No Segragation, No Collection” policy.

Gawas niini, ang Carbon Market nag-establisar usab og kaugalingong materials recovery facility aron mamenosan ang koleksiyon sa basura sa lugar. The Freeman