Mandauehanon nakadawat og ayuda alang sa livelihood

CEBU, Philippines — Giisip nga regalo sa pasko ang nadawat nga pinansiyal nga ayuda sa150 ka molupyo  gikan sa lima ka barangay sa Dakbayan sa Mandaue ubos sa livelihood program sa lokal nga kagamhanan sa siyudad.

Naglakip sa mga barangay nga nahimong beneficiaries sa maong pinansiyal  nga ayuda mao ang Barangay Alang-Alang, Bakilid, Basak, Ibabao ug Pagsabungan.

Ang beneficiaries nakadawat og tag P10 mil nga livelihood financial assistance gikan sa kagamhanan sa Dakbayan sa Mandaue.

Gihatagan sa Mandaue City og pagtagad ang pagtabang sa panginabuhian sa labing tabangonon nga mga individual.

Si Mayor Glenn Bercede naninguha nga mahatagan og tabang ang pagpalambo sa mga panginabuhian sa mga Mandauehanon.

Gipadayon ni Bercede ang nasugdan nga mga programa ni kanhi Mayor Jonas Cortes nga nagpakabana ug nagtabang sa pagpalambo sa panginabuhian sa matag Mandauehanon.

 Sa paghatag sa livelihood financial assistance nagpadayag sa ilang suporta ang chairman sa Committee on Social Services sa  mga sakop  sa konseho  sa siyudad. BDB BANAT NEWS