CEBU, Philippines — Niabot sa 114 ka magtutudlo sa Dakbayan sa Talisay ang dungan nga na-promote sa ilang posisyon.
Si Mayor Gerald Anthony “Samsam” Gullas. Jr. maoy nipahural sa maong mga magtutudlo sa ilang bag-ong posisyon.
Sa maong gidaghanon, 67 niini ang magtutudlo sa elementarya nga teacher II ug teacher III ug 47 ka magtutudlo sa segundariya.
Nagkanayon si Gullas nga ang kalamposan sa mga magtutudlo makapalig-on sa sektor sa edukasyon.
Si konsehal Eduardo “Digul” Gullas III, chairman sa committee on education nanghinaot nga padayon ang ilang pagsuporta sa magtutudlo.
Kini gumikan kay sila ang magsilbing inspirasyon sa kabataan nga mahimong matinumanon ug maayong elemento sa katilingban.
Dugang ni Gullas nga diha sa mga magtutudlo naggikan ang mga maayo nga propesiyonal nga atong nasugatan karon. BDB BANAT NEWS