Pekeng surgeon gidakop sa NBI
CEBU, Philippines — Usa ka 57-anyos nga lalaking nagpakaaron-ingnong doktor ang nasikop sa mga tinugyanan sa National Bureau of Investigation Central Visayas atol sa gipahigayon nga entrapment operation sa panimalay niini sa Barangay Basak Pardo ning Dakbayan sa Sugbo niadtong Disyembre 10, 2024. Ang nasikop mao si Roel Bacus o mas naila sa mga tawo nga “Mommy Debs” nga matud pa ilegal nga mohimo og aesthetic surgeries diha sa panimalay niini ug sa mga hotel rooms. Matud pa ni NBI-CEVRO Regional Director Atty. Renan Augustos Oliva, dili mominos tulo sa mga kliyente sa dinakpan ang nakasinati og komplikasyon human sila naoperahan nini.
Sumala pa ni Oliva, ang dinakpan gipasakaan nila og kaso nga Illegal Practice of Medicine ubos sa RA 2382 ug Estafa ubos sa ART 315 of the Revised Penal Code.Usa sa mga biktima nga nakabayad og P20 mil alang sa usa ka operasyon apan nireklamo kay naigsige og sakit ang iyang hawak ug kalawasan.
Ang maong dinakpan kanhi nagtrabaho isip assistant sa usa ka lisensyadong doktor sa usa ka klinika sa dakbayan sa Sugbo apan gipalagpot kay nasakpang nangopera kini nga walay pagtugot kaniya.Ang suspetsado wala na mohatag ug pamahayag may kalabutan sa pagka sikop niini. IBN BANAT NEWS
- Latest
