Paghatag og ayuda sa PWD sugdan sa mosunod nga adlaw

CEBU, Philippines — Sugdan na karong Disyembre 14, 2024 ang pagpanghatag sa hinabang pinansiyal alang sa persons with disabilities (PWD) sa Dakbayan sa Sugbo.

Human sa pagpanghatag sa hinabang pinansiyal alang sa mga senior citizen niadtong Oktubre hangtud niining buwana nipasalig ni Mayor Raymond Alvin Garcia nga isunod dayon ang pagpanghatag sa maong hinabang pinansiyal alang sa mga kwalipikadong PWD karong Sabado.

Sama sa naandan, ang quarterly distribution ipahigayon matag covered court sa nagkadaiyang barangay sa siyudad diin ang mga disbursing officers gikan sa City Treasurer’s Office maoy motunol ngadto sa beneficiaries sa matag barangay.

Nasayran nga sa nangagi nga mga pagpang-apod-apod niabot ngadto sa 13,000 ka  rehistrado nga mga PWD sa siyudad ang nakadawat og P1,000 nga financial assistance matag buwan gikan sa kagamhanan sa siyudad.

Alang sa mga adunay pangutana ug katin-awan kabahin sa pinansiyal nga tabang giawhag sila nga motawag sa buhatan sa Department of Social Welfare Services. BDB BANAT NEWS