Simple nga Christmas party ipahigayon sa Talisay City Hall

CEBU, Philippines —  Gipahinumdoman ni Talisay City Mayor Gerald Anthony “Samsam” Gullas, Jr. ang mga kawani nga himuon nga simple ang Christmas party sa matag opisina. Kini aron sa pagpakita sa simpatiya ngadto sa mga apektadong pamilya sa nagsunod-sunod nga bagyo.

Sayo pa, si presidenti Ferdinand Marcos, Jr. niawhag sa mga buhatan sa gobiyerno nga isuspenso lang una ang pagpahigayon og party.

Kini aron duyogan ang apektado sa bagyo ug mo donate nalang aron makatabang.

Ang Dakbayan sa Talisay usa sa mga nituman sa panawagan sa Malacañang.

Samtang niadtong niaging semana nagpasiga sa ilang dayan-dayan nga adunay tema nga “Disneyland” alang sa nagsingabot nga pasko ang siyudad.

Gibutyag ni Gullas nga sa ilang desinyo karon menos ang ilang gasto ikompara sa niaging tuig.