Dalagita gisuwaya’g lugos sa “siga’g mata”

CEBU, Philippines — Usa ka 13-anyos nga dalagita ang naluwas gikan sa peligro human kini gituok, gisumbag ug gisuwayan og lugos sa usa ka lalake diha sa may Barangay Carreta, Siyudad sa Sugbo, Miyerkules sa gabii.

Ang 13-anyos nga biktima, Grade 7 student sa usa ka eskwelahan sa Barangay Tejero ug nagpuyo sa Barangay Carreta.  Base sa gibutyag sa biktima gikan siya sa eskwelahan naglakaw padung na mouli sa ilaha. Wala nakabantay ang biktima nga gisundan na diay siya 32-anyos nga suspek nga taga Barangay Carreta ra sab.  "Nisunod siya nako unya wala ko kaila niya," sigon sa 13-anyos nga biktima.

Giingong kalit lang matud pa siya gibira, hasta  iyang buhok gibitas ug gisumbag siya sa kuto-kuto katulo ka higayon ug gituok.

Nabarag ang 13-anyos nga biktima, wala pa gyud makontento ang suspek ginudnod niini sa karsada ang tinun-an.

Niaksyon sab matod pa halok ang suspek sa biktima maayo nalang nakalihay kini bisan paman og nalipong.

Midugang ang biktima nga iyahang nawakli ang suspek ug nakadagan siya padulong sa ilaha ug nisumbong sa iyahang maguwang nga babaye.

"Ako gyud siya giwakli nga makahawa gyud ko ba...Naka drugs gyud ‘to, dako gani kaayo og mata...iyang nawong iya pang giduot sa akoa unya dako kay og mata," saysay sa biktima.

Human makasumbong sa iyang maguwan gipahibawo dayon nila ilang inahan ug nanawag dayon sila og polis hinungdan nga nadakpan ang suspek nga karon nagtingkagol na sa prisuhan.

Ang maong hitabo naghatagog trauma sa biktima hinungdan nga matud niya inig pamuhi nila magpakuha na siya sa eskwelahan.  IBM BANAT NEWS