Unom ka sa sakyanan nasampolan og clamp sa CT-TODA
CEBU, Philippines — Unom dayon ka sakyanan ang na-clamp sa mga sakop sa City of Talisay-Traffic Operation Development and Authority (CT-TODA) sa unang adlaw sa pagpatuman sa clearing operation.
Ang mga sakyanan nga gi-clamp gipang-parking diha sa daplin sa karsada sa nagkadaiyang barangay sa siyudad.
Sayo pa, ang CT-TODA nakadawat og direktiba gikan sa Department of Interior and Local Government (DILG) aron sa paghawan sa mga nakababag sa karsada.
Niadtong niaging semana naabot ang 30 ka clamp alang sa mga sakyanan.
Gipahibawo ang mga nanag-iya og sakyanan nga diha sa saktong parkinganan nila iparada ang ilang sakyanan.
Si Jonathan Tumulak, pangulo sa CT-TODA nipasabot sa iyang mga sakop nga kong makakita og sakyanan nga gi-parking sa dili sakto nga lugar pahibaw-on daan ang drayber.
Matud ni Tumulak nga kong walay drayber nga mopatim-aw anha na i-clamp ang sakyanan.
Sa oras sa pagsuwat niining balita unom ka sakyanan dayon ang nasampolan sa pag-clamp. (BANAT NEWS)
- Latest
