Earth moving sa Naga gipahunong
CEBU, Philippines — Gimando sa Probinsya sa Sugbo nga ipahunong ang "earth-moving operations" sa usa ka kompanya diha sa Dakbayan sa Naga sulod sa usa ka bulan tungod sa peligro nga
Si Gobernador Gwendolyn Garcia miluwat og executive order (EO) No. 22, nga nagmando sa Apo Land and Quarry Corporation (ALQC) nga ihunong ang tanang “earth-moving operations” nga sakop sa Mineral Production Sharing Agreement (MPSA) areas niini sa siyudad sa Naga sugod Disyembre 3.
Kini human nga nasayran sa Kapitolyo nga ang padayon nga kalihokan sa maong kompaniya didto sa maong dakbayan nga wala maghunahuna sa kaluwasan sa mga nagpuyo duol sa maong dapit. Samtang padayon pa ang assessment sa kapitolyo mihimo na daan og lakang paglikay sa disgrasya o insidente ngadto sa kalikopan ug sa publiko.
Gilikayan sa Kapitolyo nga masubli ang pagdahili sa yuta sa barangay Tinaan sa maong siyudad niadtong Septiyembre 20, 2018 diin 77 ang namatay ug daghang mga balay ang natabunan sa yuta.
Ang lokal nga kagamhanan sa dakbyaan sa Naga, kapulisan sa Probinsya ug sa Department of Environment and Natural Resources- Environmental Management Bureau (DENR-EMB) gimandoan ni Garcia nga estriktong ipatuman ang iyang EO.
Samtang ang ALQC gimandoan sab nga mokooperar sa himoong environmental audit ug risk assessment. Ang ALQC mao ang supplier og limestone, clay ug grey wack isip raw materials sa paghimo og semento.
Ang MPSA mao ang kasabotan tali sa gobyerno ug mga kontraktor nga mohatag og ekslusibong katungod pagpangubkob og minerales sa usa ka lugar. (BANAT NEWS)
- Latest
