CEBU, Philippines — Sugdan na ang operasyon sa clamping sa mga sakyanan nga pataka og parking sa Dakbayan sa Talisay karong Lunes.
Kini maoy gipahibawo ni Jonathan Tumulak, pangu sa City of Talisay-Traffic Operation Development Authority (CT-TODA).
Una nang gipahibawo ni Tumulak nga naabot na ang ilang gipalit nga clamps sa miaging semana.
Naa sa 20 ka clamps para sa SUV ug 10 alang sa mga truck.
Ila kining gihimo sa tinguha nga mapaluag o pagmenos sa trapiko sa siyudad isip pagpangandam sa “Christmas Rush”.
Gihimo na ni Tumulak ang re-orientation sa iyang mga sakop sa ilang pagabuhaton nga clamping operation.
Hinuon iyang gipasabot nga tagaan pa nila og higayon nga kuhaon sa mga drayber ang ilang sakyanan nga pataka og parking sa dili pa sila mopatuman sa clamping.
Apan kung magmagahi diha na sila mopatuman sa ilang operasyon. MEL BANAT NEWS