Gullas miangkon nga siyay nipadakop sa blocktimer

CEBU, Philippines — Giangkon ni Talisay City Mayor Gerald Anthony “Samsam” Gullas nga siya ang nipasaka og kaso nga extortion batok ni Roger Cimafranca nga sa usa ka radio blocktimer kinsa nakig-atbang kaniya pagkamayor sa sunod tuig nga piniliay.

Si Gullas miingon nga gikan pa sa pagduso niya sa iyang Certificate of Candidacy (COC) daghan siya og nadawat nga impormasyon o feelers nga nangayo kini sugod og P500 mil, hangtud nahimong, P1.5 milyon ug P2 milyones hangtud nahimo kining P4 milyones si Cimafranca bugti sa pagsibog sa naulahi sa kandidatora.

Si Gullas miingon wala siya mabalaka nga giatbangan kay para niya nagpasabot lang kini nga kinahanglan pa niyang magkugi pa gyud aron pilion. Apan nalain gyud siya sa gibuhat ni Cimafranca nga magbinuang sa electoral process ug abusohan ang demokrasya.

Tungod niini ang usa sa mga staff ni Gullas nakig text kang Cimafranca hangtud nga nagkasabot nga magkita sa personal sa tuyo nga kompirmahon kun si

Cimafranca ba gyud ang ilang ka text.

Matud sa mayor, gisultihan sa iyang staff si Cimafranca nga dili mobayad ang mayor kay dil kini gusto og binuang.

Sigon pa ni Gullas nga si Cimafranca mipaus-os sa iyang gipangayo ngadto nalang sa P2 milyones  gikan sa P4 milyones, aron siya moatras og dagan ug dili niya ipagawas ang isyu nga kusog moinum ug daghang barkada ang mayor.

Human sa maong panagtagbo midesisyon si Gullas nga iyaha kining ipadakop aron pasakaan og kaso. Niadtong Huwebes sa hapon, nadakpan sa entrapment operation sa mga sakop sa Criminal Investigation and Detection Group (CIDG) -7 si Cimafranca ug kaubang lalaki diha sa usa ka mall sa dakbayan sa Talisay.

Apan si Cimafranca kusganong nihimakak sa mga pasangil nga nangilkil siya. Nangangkon siya nga n adunay mga mayor nga dili niya buot panganlan nga nihangyo kaniya sa pag-withdraw sa iyang kandidatura.

Apan bisan sa nahitabo karon, mopadayon siya sa pagpapili pagkamayor sa Talisay.

Karong Lunes, Disyembre 2, 2024 gikatakda nga pasakaan og kasong pasakaan og kasong robbery extortion si Cimafranca.  BM BANAT NEWS