Trike driver gipusil patay

CEBU, Philippines — Patay ang usa ka tricycle driver nga gipusil sa riding-in-tandem diha sa Barangay Candabong, Lungsod sa Alcantara, Miyerkules sa buntag, Nobiyembre 27, 2024.

Giila ang biktima nga si Jojo Bisaro Madanlo, 43, taga Barangay Candabong sa maong lungsod.

Samtang ang suspect nailhan na sa kapulisan ug padayong gipangita sa otoridad.

Nasayran nga biktima nagmaneho sa iyahang motorsiklo paingon sa repair shop sa Barangay Polo, Lungsod sa Alcantara.

Apan kalit kining gipusil sa riding in tandem nga nisunod niya. Naigo  kini sa buko-buko nga miresulta sa kamatayon sa biktima.  Gidala pa sa Badian District Hospital ang biktima apan nakabsan gyud sa kinabuhi.

Padayon sab ang imbestigasyon sa kapulisan ilabi na sa motibo sa krimen. (BANAT NEWS)