Garcia ug Rama tak-om sa bangi ni Marcos ug Duterte
CEBU, Philippines — Ang duha ka mayor sa Dakbayan sa Sugbo nga sila si Mayor Raymond Alvin Garcia ug dismissed mayor Michael Rama naglikay sa paghatag sa ilang mga detalyadong pamahayag kabahin sa nagpadayon nga panagbangi tali nila ni Presidente Ferdinand Marcos, Jr. ug Bise Presidente Sara Duterte.
Ang duha magka-alyado sa pinilay niadtong 2022 apan karon mas nidako ang ilang away sa politika diin niabot na sa punto nga nanghulga na si Duterte ngadto kang Marcos nga ipapatay kini.
Sa Garcia nagkanayon nga dili siya ganahan nga manginlabot sa away sa duha ka nag-unang opisyales sa Pilipinas.
“Padayon lang gyud ko sa akong pagpanerbisyo sa katawhan, I will not let any national concerns affect the City of Cebu and how I run the city”, matud ni Garcia.
Samtang si Rama nagkanayon nga angayan nga iapil silang duha sa mga pag-ampo.
“Tulungan na natin ang bansa natin, bago tayo magka-wasak-wasak”, matud ni Rama.
Si Rama maoy bise presidente sa Visayas sa PDP-Laban, usa ka partido nga gipangulohan ni kanhi presidente Rodrigo Duterte. (BANAT NEWS)
- Latest
