CEBU, Philippines — Ang Department of Public Works and Highways (DPWH) ang pabilin sa ilang pasalig sa pag-implementar sa infrastructure projects sa nasud apan ilang gitumbok nga ang aktibong pagpanginlabot sa publiko usa sa mga pamaagi alang sa epektibong flood mitigation.
Si DPWH Director Alex Bote atol sa news forum ngadto sa Quezon City sa kataposang semana nagkanayon nga pabilin ang ilang pasalig sa implementason sa infrastructure projects ubos sa pamunoan ni Presidente Ferdinand Marcos, Jr. sa pagtabang sa pagtukod og resilient ug sustainable communities.
Ang DPWH maoy usa sa ahensiyas a gobiyerno nga nangulo sa implementasyon sa ubang Infrastructure Flagship Projects (IFPs) sa administrasyon ubos sa “Build, Better, More”.
Nasayran nga adunay 186 ka IFPs nga ang planong pundo niini mokabat ngadto sa P9.6 trilyones ug gilaoman kini nga mopauswag sa pisikal nga koneksiyon, tinumbdan sa tubig, agrikultura, panglawas, digital nga koneksiyon, power and energy, edukasyon, ug uban pa.
Sa maong gidaghanon, upat na ang nakompleto matud sa National Economic and Developemtn Authority (NEDA).
Gawas niini, 67 ka nagpadayong proyekto, 30 ang naaprobahan alang sa implementasyon ug 43 ang under pre-project implementation.
Matud ni Bote nga sa pagkakaron ang DPWH ang nangulo sa 30 ka flagship projects gikan sa nahisgutang listahan.
Apan kabahin sa flood mitigation gitumbok ni Bote nga ang aktibong panginlabot sa publiko maoy key element niini.
Gipasabot ni Bote nga ang flood mitigation kinahanglan kini og hiniusang paningkamot sa gobiyerno ug publiko.
Ang publiko makatabang kini sa pagkunhod sa risgo sa pagbaha pinaagi sa proper waste management ug paglabay sa basura.
Ang pagkaepektibo sa flood control structures mokunhod kini gumikan sa waste materials nga nibara.
Sayo pa, si Marco nipatawag sa DPWH diin gipasugardo niini nga durable ang flood control projects ug climate change resilient.
Si Marcos niisyukini og kamandoan human sa sunod-sunod nga mga bagyo nga niresulta sa grabeng pagbaha sa ubang parti sa nasud diin nasuta ang kasamtangang flood control measure dili kini igo. (BANAT NEWS)