Hantakan sa Toledo gironda, 23 sugarol nangadakpan
CEBU, Philippines — Niabot sa 23 ka mga indibidwal ang nadakpan sa kapulisan sa Toledo City Police Station tungod sa hantak sa may Barangay Bato, Toledo City, Biyernes sa Hapon, Nobyembre 22, 2024.
Sagad sa mga nadakpan nag-edad og 35 anyos ngadto na sa 74 anyos nga nagpuyo sa Barangay Poblacion, Barangay Bato, Barangay Looc, Barangay Ibo, Barangay Cabitoonan, Barangay Casoy, Barangay Awihao, Barangay Sangi, Barangay Poog ug Barangay Media Once sa Toledo City.
Naa say taga Tajao, Busay, Pumod, Mangoto, Poblacion, Cabiangon, Dakit ug Tutay sa Lungsod sa Pinamungajan. Ang maong operasyon kabahin sa gipakusgang kampanya ubos sa Presidential Decree 1602.
Nakomspiskar sa kapulisan ang mga ebidensiya sama sa tulo ka sinsiyong talangan nga gigamit isip antogon, bato nga antoganan, iron ring guide, folded table ug kwarta nga dul-an sa P6,000.
Sigon ni Police Lieutenant Colonel Wilfredo Alarcon Jr., hepe sa Toledo City Police Station nga dunay ni-report sa ilaha nga naay naghantak. Ilahang gi-verify ug nakita nga tinood hinungdan nga gidakop. IBM BANAT NEWS
- Latest
