CEBU, Philippines — Nipagawas og manifesto ang League of Municipalities of the Philippines (LMP) Cebu Chapter pagpadayag og kinatibuk-ang suporta sa tinuig nga pagpahigayon sa Pasigarbo sa Sugbo, ang gikonsiderar nga ‘festival of all festivals” lukop Probinsiya sa Sugbo.
Kini human nga adunay nikwestyon sa P200 milyones nga gasto sa Kapitolyo sa Pasigarbo sa Sugbo. “This irresponsible tactless and reprehensible remarks has not only cause an irreparable injury to the reputation of the Province of Cebu, but it has besmirched the world-renowned Pasigarbo sa Sugbo as the Festival of all Festivals of the Province which embodies the rich Cebuano culture and heritage”, tipik sa maong manifesto nga gipirmahan sa 49 ka mayor sa nagkadaiyang lungsod ug siyudad sa Probinsiya sa Sugbo.
Niadtong Nobiyembre 12, si Cebu gubernatorial aspirant Pamela Baricuatro ni-post sa iyang social media account pag-awhag og imbestigasyon kalabot sa usa ka adlaw nga paggasto sa P200 milyones alang sa Pasigarbo sa Sugbo.
“HOR, why did you question Inday Sara’s expenditure of 125M in 11 days when Pasigarbo in Cebu spent close to 200M in just one day! Pls. investigate”, matud sa post ni Baricuatro diha sa iyang social media account.
Si Baricuatro ang mo atbang kang Gobernadora Gwendolyn Garcia sa May 2025 elections.
Ang maong post ni Baricuator nakakuha kini og sobra 1,000 nga reaksiyon gikan sa mga netizen. “We vehemently object the comparison which insinuates mismanagement or irregular spending of public funds”, depensa sa mga mayor.
Matud sa maong manifesto, ang P200 milyones gihatag o giapod-apod kini sa tanang munisipyo ug component cities kinsa niapil sa Pasigarbo isip subsidiya o pagsuporta sa ilang LGUs sa gikinahanglan nga logistics ug nagkadaiyang socio-cultural initiatives apil na niini ang pag-apil sa Pasigarbo. BDB BANAT NEWS