CEBU, Philippines — Ang Department of Agriculture nagkanayon nga gisugyot nila nga ang retail price sa well-milled rice mahimong P42 matag kilo aron maangkon ang balanse tali sa mga panginahanglanon sa mga konsumedor ug mga mag-uuma.
Si Agriculture Secretary Francisco Tiu Laurel, Jr. nagkanayon nga ang well-milled rice nga nagkantidad og P42 matag kilo maghatag og malipayong balanse tali sa ilang tumong nga masiguro nga ang mga mag-uuma adunay hustong kita gikan sa ilang paningkamot ug aron ang mga konsumedor adunay access sa mga pagkaon nga maabot ang presyo ilabi na ang bugas.
Gipasabot sa DA nga ang presyo sa bugas sa Pilipinas mas ubos kompara sa Thailand ug China nga pareho usab nga mga dagkong producer sa bugas.
Sa pinakaulahing monitoring sa DA niadtong Nobiyembre 18, 2024 ang retail price sa well-milled rice sa Pilipinas nag-range gikan sa P45 ngadto sa P54 matag kilo nga mas barato kompara sa presyo sa China nga P43.88 ngadto sa P87.75 ug sa Thailand nga P50.90 ngadto sa P130.08 matag kilo.
Apan adunay mga grupo nga nag-ingon nga ang gisugyot nga presyo sa retail dili maggarantiya maabot kini sa mga konsumedor ug dili usab maghatag og igong suporta alang sa mga mag-uuma.
Base sa taho sa Philstar, ang chairperson sa Kilusang Magbubukid ng Pilipinas Danilo Ramos nagkanayon nga ang P42 matag kilo mahal gihapon alang sa mga ordinaryong Pilipino ilabi na sa mga low-income nga konsumedor, mga marginalized sector, ug mga wage earner.
Sa laing bahin, bisan pa nga ang P42 taas alang sa mga mag-uuma gitumong sa Bantay Bigas ug Amihan nga magdepende kini sa mga presyo sa farm gate nga mahimong manipulahon sa mga negosyante kong dili kini kontrolado sa gobiyerno.
Si Cathy Estavillo, tigpamaba sa Bantay Bigas nibutyag sa Philstar nga ang mga mag-uuma nga nag-ani sa Septiyembre ug Oktubre kasagaran napugos sa pagbaligya sa ilang tipasi sa presyo nga P14 ngadto sa P18 matag kilo.
Matud ni Estavio nga kinahanglang mokantidad og labing menus P20 matag kilo ang farm gate nga presyo sa tipasi.
Dugang ni Estavio nga aron malikayan ang pagpaubos sa presyo nga buhaton sa mga negosyante kinahanglan nga ang National Food Authority direktang mopalit og tipasi sa mga mag-uuma. —
Resolusyon pagsuporta sa mga DRRM workers giaprobahan — (BANAT NEWS)