CEBU, Philippines — Gipangulohan ni Mandaue City Mayor Glenn Bercede uban sa mga kadagkoan sa Visayan Electric Company (VECO) ug uban pa nga utility firm facilities ang pagpatuman sa Single Post Ordinance diha sa Ouano Avenue sa Reclamation Area.
Si Konsehal Jimmy Lumapas, chairman sa Committee on Transportationa ug maoy nangamahan sa maong ordinansa nga gipatuman maoy kauban sa gipahigayon nga ceremonial implementation sa Single Post Ordinance sa Ouano Avenue sa Siyudad sa Mandaue niadtong Lunes Nobiyembre 18, 2024.
Ang katuyoan sa pagpatuman sa maong ordinansa mao ang paghawan sa nagkatuali nga mga linya sa kuryente ug uban pa nga mga linya sa telecommunication company nga naghulga sa kaluwasan sa mangagi nga mga motrista.
Ubos sa maong Single Post Ordinance himuon usab ang paghawan sa mga spaghetti wires sa mga utility firm ug isaka ang gihabogon sa nahimutangan sa mga electrical wires ug internet cables niini.
Gimando sa maong Ordinansa ni Lumapas ngadto sa tanan nga utility companies sa paggamit lang sa poste sa dominante nga utility firm sama sa VECO ug ipasaka usab ang gihabogon gikan sa 16 feet ngadto sa 20 feet. (BANAT NEWS)