Koleksiyon sa limus sa simbahan, gisakiyo

CEBU, Philippines — Gisakiyo sa kawatan ang gihipos nga koleksyon sa simbahan sa Archdiocesan Shrine of Santiago Apostol de Compostela nga nahimutang sa Barangay  Poblacion,  Lungsod sa Compostela.

Nailhan hinuon ang misulod sa maong simbahan nga gidudahang maoy mikawat sa kwarta nga koleksyon nga gisulod sa pula nga panaptong bulsita.

Ang suspetsado giila  nga mao si Michael Morales Arcenal,  26,  minyo ug nagpuyo sa Barangay Looc a Siyudad sa Danao.

Matud pa sa kapolisan nga usa ka concerned citizen ang nangayo og panabang tungod sa pagpangawat didto sulod sa simbahan   dali kini nilang girespondihan. Sa ilang  paghidangat  sa maong lugar usa ka saksi ang nakakita sa gidudahang kawatan nga daling misibat.

Matud pa sa maong saksi nga ang suspek nakasulod diha agi sa grill door ug sa dihang didto na siya sa sulod giguba niini ang lock sa mass collection box ug gikuha ang koleksyon nga Php 1797.00 sa puwa nga panapton.

Sa follow up operation nga gihimo sa kapolisan ilang nadakpan ang suspetsado ug gibalhog nasa prisohan alang sa pagpasaka og kaso.  IBM BANAT NEWS

Show comments