14 ka LGUs sa Probinsiya sa Sugbo mga passer sa SGLG
CEBU, Philippines — Niabot sa 14 ka local government units (LGUs) sa Probinsiya sa Sugbo ang naapil sa mga passer sa Seal of Good Local Governance (SGLG) sa tuig 2024.
Ang Department of Interior and Local Government (DILG) nagkanayon nga apil sa mga awardee sa SGLG mao ang mga dakbayan sa Bogo ug Danao.
Naapil usab ang mga lungsod sa Alegria, Asturias, Carmen, Consolacion, Cordova, Daanbantayan, Medellin, Pinamungajan, San Remigio, Santa Fe, Sogod ug Tuburan.
Base sa Akta Republika 11292 kun “An Act Establishing and Institutionalizing the Seal of Good Local Governance for Local Government Units, and Allocating for This Purpose the Seal of Good Local Governance Fund” ang SGLG usa ka award, incentive honor, ug pag-ila nga programa alang sa mga LGU nga mopadayon sa pagpaninguha nga mapalambo ang ilang mga performance sa nagkadaiyang serbisyo panggobiyerno.
Aduna kini nagkadaiyang kategorya sama sa Good Fiscal or Financial Administration; Disaster Preparedness; Social Protection and Sensitivity Program; Health Compliance and Responsiveness; Programs for Sustainable Education; Business Friendliness and Competitiveness; Safety, Peace and Order; Environmental Management; Tourism, Heritage Development, Culture and Arts ug Youth Development. BDB BANAT NEWS
- Latest
