CEBU, Philippines — Moabot sa 71 ka kilo nga shabu, tulo ka kilo nga marijuana ug 55 ka tabletas sa ecstacy ug ubang dangerous drugs nga nagkantidad tanan og P489.4 million ug dunay court orders ang gisunog gamit ang thermal facility sa Cosmopolitan Funeral Homes Inc. sa Junquera Street, siyudad sa Sugbo kagahapon sa buntag.
Ikaduha kini nga illegal drugs destruction karong tuiga ug maoy pinakadako nga kantidad sa mga drugas nga gisunog sa rehiyon sukad gisugdan ang kalihukan niadtong 2017.
Ang drugs destruction gipangulohan ni PDEA-7 Acting Regional Director Alex Tablate pinaagi sa pakig-alayon sa Police Regional Office-7, Regional Trial Courts ingon man sa tagdumala sa punerarya nga mitugot gamiton ilahang pasilidad.
Gisaksihan sa elected public official, representante sa Department of Justice, Public Attorney's Office ug Civil Society ang pagsunog sa nga drugas kini subay na sab sa mandato sa Republic Act 9165 ug DBB Regulation No. 1, Series of 2002 mahitungod sa proper custody ug disposition sa mga nasakmit nga drugas. Si Ruelo Saladaga, Presiding Judge, Regional Trial Court 69, Lapu-Lapu City maoy guest of honor ug speaker. Sa iyahang mensahe kini mitataw sa importansiya sa hollistic strategy sa kampanya batok illegal nga drugas.
Sa wala pa ang destruction sa drugas ang substance gi-test una sa mga chemist sa PDEA-7 atubangan sa mga saksi aron pagwagtang sa mga pagduda nga gipulihan ang mga substances.
Ang mga ilegal nga drugas mga ebidensiya kini nga nasakmit sa nanglabay nga mga anti-drug operations sa kapolisan ug PDEA nga gisunog pinaagi sa cremation chamber sa maong punerarya. Ang mga nagkadaiyang klase sa ginadili nga drugas nga adunay kaso sukad pa niadtong 2003 hangtud na sa 2024 nga gitugotan na sa korte nga madispatsar pinaagi sa pagsunog ang gilatag usa sa ibabaw sa lamesa ug gipakita kini sa tanan.
Gikan sa tuig 2017 ngadto sa 2024 nakatala na og 2.36bilyon pesos ang mga nasunog nga illegal nga drugas diin 339 kilos shabu, 158kilos sa Marijuana ug 3.039 MDA Tablets ug Dangerous Drugs.
Sa nilabay nga buwan sa Hunyo ning tuiga niabot ngadto sa P374.6 milyoness nga ilegal nga drugas ang gisunog. Nagpasalamat si Tablate sa tanan nga nitabang sa anti-illegal drug campaign sa rehiyon.
Ang mga substances nga gisunog mao kini ang nga nasakmit sa mga operasyon sa PDEA ug PNP gikan sa 2023 hantod na sa 2024 sa Cebu, Bohol ug mga high urbanized cities sama sa Cebu City, Mandaue ug Lapu-Lapu City. IBM BANAT NEWS