Bata nga natusok sa kabilya naoperahan na

CEBU, Philippines — Naoperahan na ang 10-anyos nga batang lalake nga natusok ang mata sa kabilya dihang paingon kini sa tunghaan diha sa sitio Sto Niño, barangay Apas siyudad sa Sugbo.

Ang maguwang sa bata nga si Marissa mitug-an nga nakuha na ang kabilya nga nisangit sa tabon-tabon sa mata sa iyang manghud niadtong Miyerkules sa gabii diha sa Vicente Sotto Memorial Medical Center.

"Nakuha na ang kabilya after sa operasyon", sigon ni Marissa.

Dugang ni Marissa nga nagkinahanglan og tambal ang iyang manghud ilabi na kadtong mga dili libre ihatag sa tambalanan.

Alang sa mga gustong motabang sa pamilya mahimong mo contact sa numero 0981 6833 296.

Una nang nitabang ang Department of Social Welfare and Services sa biktima sama sa pag-atiman medical needs niini.   MEL BANAT NEWS