Garma, anak gidakop didto sa US
CEBU, Philippines — Si kanhi Philippine Charity Sweepstakes Office general manager Royina Garma ug ang iyang anak nga babaye gi-detained didto sa San Francisco sa Amerika human kini nilarga didto tunga-tunga niining nagpadayong imbestigasyon sa kontrobersyal nga gubat sa druga ubos sa panahonni kanhi presidente Rodrigo Duterte.
Gikumpirma sa Department of Justice kaniadtong Martes nga si Garma ug ang iyang anak nga babaye, si Angelica Garma Vilela, gikustodiya kaniadtong Nobiyembre 7 didto sa US.
Subay niini, Si Justice Secretary Jesus Crispin Remulla mimando sa mga awtoridad sa imigrasyon sa pagpreparar sa pagpauli ni Garma sa Pilipinas.
Human gikumpirma sa DOJ ang pag-detain, apan dihang gipangutana sa Philstar.com si Justice Assistant Secretary Mico Clavano bahin sa basihan sa pagdakop kang Garma sa U.S. , gipasa niya kini sa Philippine National Police (PNP) ug sa Department of the Interior and Local Government (DILG).
“The details of the arrest and detention may be sought from the PNP and DILG as they have the complete records,” matud ni Clavano.
Si Garma bag-o lang mitungha isip usa ka key witness sa imbestigasyon sa House of Representatives bahin sa mga operasyon sa drug war sa administrasyon ni Duterte.
Sa iyang testimonya niadtong miaging bulan, iyang gipadayag ang "Davao Model," nga naglambigit sa reward system nga nakapadasig sa mga polis sa pagpatay og mga drug suspects atol sa war on drugs.
Sa usa ka press conference niadtong Martes, si Rep. Robert Barbers (Surigao del Norte) nahibulong nganong nakagawas sa nasud si Garma.
“She was there during our last hearing, accompanied by former Colonel Leonardo. [She] was also also there, represented by lawyers. So, we have no idea if she had left the country,” matud ni Barbers sa maong report.
Sa nagpadayong mga imbestigasyon, Si Garma nag-atubang sa mga alegasyon sa kalambigitan sa daghang mga kamatayon, lakip na ang pagpatay kang PCSO board secretary Wesley Barayuga niadtong 2020 ug ang kamatayon sa tulo ka giingong Chinese drug lords niadtong 2016. (BANAT NEWS)
- Latest
