Dugang mga kaso batok kang Mayor Enad gibasura

CEBU, Philippines — Gibasura sa Office of the Ombudsman ang duha ka gidugang nga mga kaso batok kang Minglanilla Mayor Rajiv Enad.

Sa duha ka managlahi nga notisya nga pinetsahan Oktobre 17, 2024 ug gipirmahan ni acting director Sarah Jo Vergara sa Office of the Ombudsman, gibasura niini ang kaso nga gipasaka nila ni Christjoray Lapita ug Lourly Lapitan.

Ang duha ka mga reklamante misang-at og kaso batok kang Enad ug sa mga sakop sa konseho sa munisipyo tungod sa resolusyon nga nagpadayag sa ilang hugot nga pagsupak sa bisan unsa nga clearance application alang sa quarry, solid waste disposal permit, ug bisan unsa nga matang sa earthmoving activities sa Jomara Group of Companies nga gipanag-iya sa pamilyang Lapitan.  Ang anti-graft office nipadayag nga ang issue naglambigit sa pagdeterminar sa legality sa resolution butang wala sa ilang hurisdiksyon.

 Ang maong desisyon nadugang kini sa mga kaso nga gipasaka kang Enad nga nanga- dismissed sab diha sa ilang hurisdiksyon.

Ang mayor nipadayag nga ang ilang gitan-aw ang general welfare sa katawhan tungod kay earthmoving activities risgo sa mga namuyo sa lugar.

Ang kagamhanang lokal sa Minglanilla niawhag hinuon sa pamilyang Lapitan nga tumanon una ang mga kondisyon  ug rekisitos aron magpadayon ang ilang business operations.