CEBU, Philippines — Nilusad og imbestigasyon ang Land Transportation Office(LTO)-7 labot sa insidente nga naglambigit sa mga content creators nga naghimo og delikado nga show samtang naka costume og Spiderman, Son Goku ug Batman sa Cebu Transcentral Highway sa miaging semana.
Ang Intelligence and Investigation Unit gimanduan sa paghimo og makuting pakisusi sa viral video ingon man sirkumstansiya sa maong insidente.
Pabiling committed ang LTO-7 sa pagpaneguro sa road safety alang sa tanang motorista pinaagi sa istrikto ug impartial enforcement sa balaod.
Giawhag sa ahensiya ang mga content creators ilabi na nga dako ilang impluwensiya sa social media nga mahimong responsable ug likayan ang paghimo og delikadong stunts nga risgo sa ilang kinabuhi nga delikadong sundon sa ilang mga followers.
Una nang gipatawag sa Highway Patrol Group-7 sila si Boy Banat nga nag Son Goku costume ug Jason Ik nga nag Spiderman.
Nangayo sab sila og pasaylo ug misaad nga mahimong responsable sa ilang mga contents ug dili na nila usbon ang ilang gihimo sa TCH. — /IBM (BANAT NEWS)